Saturday, August 15, 2009

“ အညတရတယောက်ရဲ့ခရီး ”


လှမ်းနေတာမညီညာသည့်လမ့်း့့့့ 
ဘ၀ခရီးလမ်းတလျှောက်မှာတော့
တကိုယ်ကောင်းအတ္တကြီးသူတွေနဲ့
သိရက်နဲ့ဆက်မိုက်နေကြသူတွေကိုတော့
ထောက်ပြဝေဖန်သင့်တာ ထောက်ပြဝေဖန်
တိုက်ခိုက်သင့်တာတွေကိုလည်း
အခြေအနေအရတိုက်ခိုက်ကာ
ဥပေက္ခာပြုသင့်တာတွေကိုလည်းပဲ
ဥပေက္ခာပြုထားခဲ့လို့
ကျုပ်လိုချင်တဲ့ ပန်းတိုင်ခရီးတခုရောက်အောင်
ဆက်လက်ခရီးချီနေဆဲပဲပေါ့့့  ။
တွေ့ကြုံခဲ့သမျှအဖြစ်အပျက်တွေကိုသင်ခန်းစာယူ့့့့့ 
ဖတ်သင့်တာကိုဖတ်၊မှတ်သင့်တာကိုမှတ်ကာ
ပြင်သင့်တာကိုပြင်၊ပယ်သင့်တာကိုပယ်
လျှော့သင့်တာကိုလျှော့၊တိုးသင့်တာကိုထပ်တိုးလို့
အစွန်းနှစ်ဖက်မရောက်အောင်ရှောင်ကာ
ကျုပ်ခရီးကိုဆက်သွားနေဆဲပါ့့့  ။
ကျုပ်လျှောက်ခဲ့တဲ့ခရီးလမ်းတလျှောက်မှာတော့့့့့့ 
ကွန်မြူနစ်စာအုပ်တချို့ကိုလည်း
ဖတ်ခဲ့မှတ်ခဲ့လေ့လာဘူးခဲ့ရဲ့
ဒီမိုကရေစီစာအုပ်တချို့ကိုလည်း
ဖတ်ခဲ့မှတ်ခဲ့လေ့လာဘူးခဲ့ရဲ့
ဒါပေမယ့် ပေါ့ဗျာ
ခေါင်းဆောင်တွေရဲ့ပါးစပ်ကထွက်တဲ့စကားတွေက
ဥပဒေအသစ်တွေထပ့့့်  ထပ်ဖြစ်လာတဲ့
အာဏာရှင်တွေရဲ့
စည်းမျဉ်းဥပဒေတွေကို
လိုက်လံရှာဖတ်ဖို့မရှာဖွေနိုင်တော့
ကျုပ်ဟာလူညံ့တယောက် ဖြစ်နေလေရော့သလား
ဒါပေမယ့် ခရီးကတော့ဆက်လျှောက်နေမြဲပဲ့့့  ။
ငါဟာ့့့  ကမ္ဘာပေါ်မှာထင်ပေါ်ကျော်ကြားသူတယောက်မဟုတ်ခဲ့သလို့့့့့ 
ပညာရှင်တယောက်လည်းမဟုတ်ခဲ့ဘူး
နိုင်ငံရေးသမားတယောက်မဟုတ်ခဲ့သလို
စကားကြွယ်သူတယောက်လည်းမဟုတ်ခဲ့ဘူး
ဒါပေမယ့်ပေါ့့့့့့့့့ 
တခါတလေရင်မှာ မွန်းကြပ်စွာခံစားလာရရင်တော့
လွတ်မြောက်ရာလမ်းတခုဆီရောက်နိုင်တဲ့
ငါယုံကြည်ရာအတွေးအခေါ်တွေကို
ကဗျာတွေ စာတွေအဖြစ်လွှတ်ချ
လက်လှမ်းမှီရာနီးစပ်ရာသူတွေကိုတော့
ငါရဲရဲတင်ပြရဲသပ့့့  ။
တကယ်လို့ ကျုပ်အတွေးအခေါ်တွေမှားနေရင်လည့်း့့့့ 
ထောက်ပြကာပြင်ပေးကြပါ
သိရက်နဲ့ဆက်မိုက်နေမယ့်
မိုက်မဲတဲ့စိတ် ကျုပ်မှာမရှိလို့
ကိုယ့်အမှားကိုတော့ ရဲရဲပဲပြင်သွားမှာပါ့့့  ။
တကယ်ဆို ကျုပ်သွားနေတဲ့ခရီးလမ်းတလျှောက်မှာ့့့့့ 
မေတ္တာတရားခေါင်းပါးတာထက်စာရင်
မေတ္တာတရားပေါများတာက ပိုကောင်းတာကိုသိလို့
အလကားရတဲ့မေတ္တာတရားတွေကိုတော့
ပေါပေါများမျာပဲထားခဲ့သပေါ့
ဒါပေမယ့်လည်း ကျုပ်ကလောကီသားပေမို့
ဗောဓိသတ္တထုံး* ကိုတော့
အမြဲနှလုံးမူထားခဲ့တယ်
လက်ရှိဘ၀မှာပေါ့
ရဟန်းဒေ၀ဒတ်ရှိသေးရင်လည်း
အဲ့ဒီ ဒေ၀ဒတ်နဲ့ သိက္ခာ၊သမာဓိခြင်းပြိုင်ရဲတယ်
တကယ်ဆိုကျုပ်ဟာ အညတရပါ
သို့သော့့့်  ကျုပ်တို့တိုင်းပြည်ကိုအုပ်ချုပ်
မင်းလုပ်နေတော်မူကြတဲ့
တိုင်းပြည်ကိုချစ်လှပါတယ်ဆိုတဲ့
စစ်ဗိုလ်ချုပ်ကြီးများရဲ့ သိက္ခာ၊သမာဓိ၊မေတ္တာအားတွေနဲ့လည်း
ကျုပ်အညတရရဲ့ မေတ္တာ၊သမာဓိအားတွေ
လက်တွေ့လုပ်ရပ်တွေကမှအစ
ကျုပ်ယှဉ်ပြိုင်ရဲသပ့့့  ။
တကယ်လို့သာ ကျုပ်မှာ့့့့့ 
လက်ရှိရွှေမြန်မာပြည်ကိုအုပ်ချုပ်နေတဲ့
စစ်ဗိုလ်ချုပ်တယောက်လောက်သာလုပ်ပိုင်ခွင့်တွေရှိခဲ့ရင်ပေါ့
ကျုပ်တို့တိုင်းပြည်ရဲ့နေရာတချို့မှာကတော့
တကယ်တိုးတက်နေမှာအမှန်ပါ
အာဏာရှုးကြီးမှုးကြီး သန်းရွှေရေ
ခင်ဗျားရဲ့လုပ်ရပ် စိတ်ဓါတ်သမာဓိတွေနဲ့ကတော့
ကျုပ်က အစစအရာရာယှဉ်ရဲသပ
ဗိုလ်သန်းရွှေရေ တကယ်လို့သာကျုပ်မှာ
ခင်ဗျားလိုနေရာမျိုးမှာနေပြီး
တိုင်းပြည်ကိုခေါင်းဆောင်ခွင့်ရရင်
အညတရကျုပ်ကိုပေါ့
မြန်မာနိုင်ငံသားတွေအားလုံးက
ဗိုလ်ချုပ်အောင်ဆန်းနီးပါးဝိုင်းလေးစားကြမှာပါ
တကယ်ဆိုကျုပ်ရဲ့အသိအမြင်တွေဟာ
ဗိုလ်ချုပ်အောင်ဆန်းစွန့်လွှတ်ကြိုးစားမှုမျိုးတွေနဲ့နှိုင်းလို့မရပေမယ့်
ကျုပ်လေးစားတဲ့ အာဇာနည်ခေါင်းဆောင်တယောက်ကို အတုယူလျှက်
အညတရ ကျုပ်လည်း
ကျုပ်ကိုယ်စွမ်း၊ဥာဏ်စွမ်းရှိသလောက်
လက်တွေ့လုပ်ရပ်တွေနဲ့ပေါင်းစပ်လို့
ကျုပ်သမိုင်းကြောင်းတခုကောင်းအောင်ကြိုးစားရင်း
ဒီမို ခရီးတခုကို နှင်နေလေရဲ့့့  ။
ဇာနည်မောင်
( ဗောဓိသတ္တထုံး* = မိမိကိုအန္တရာယ်ပြုတိုက်ခိုက်လာမည့်အရိပ်အယောင်ကို သိမြင်ရင် မိမိကလည်းသူ့ကို ပြန်လည်အန္တရာယ်ပြုတိုက်ခိုက်နိုင်သည့်နည်းလည်းများကို ကြိုပြထားရန် ဟောကြားခဲ့သည့် ဘုရားလောင်း ဗောဓိသတ္တ )

No comments:

Post a Comment