တနေ့ထက်တနေ့
တိုးတက်လာနေတဲ့ဒီခေတ်ကြီးထဲမှာ
အာဏာရှင်လက်တဆုပ်စာလူတစုက
မတရားတဲ့အမိန့်တွေထုတ်
ဥပဒေစည်းမျဉ်းတွေကို
ပြင်ချင်သလိုပြင်
ရေးချင်သလိုရေးပြီး
သူတို့တတွေစိတ်တိုင်းကျဖြစ်ကာ
ထာဝစဉ်နောင်ရေးအေးနေစေဖို့အရေး
ကိုယ့်ပြည်သူကို ကိုယ်ပြင်ညှင်းပါလို့
အညွှန့်ချိုးပစ်တာဟာ
မေတ္တာတရားခေါင်းပါးလွန်းတယ် --- ။
နှစ်ပရိစ္ဆေဒကြာမြင့်ခဲ့တဲ့အချိန်ကတောင်မှ
ကိုယ့်နိုင်ငံကိုယ့်လူမျိုးအတွက်
အကျိုးရှိမယ့် သူရဲ့ကောင်းတွေကို
ပြုစုပျိုးထောင်မွေးမြူခဲ့တယ်
ကိုယ့်နောက်ကျောကိုယ်မလုံတဲ့
ဒီခေတ်ရဲ့ အာဏာရှင်တွေကတော့
အနေအစားချောင်ဖို့ကိုအဓိကကြည့်ပြီး
ခိုင်းတာလုပ်ကာ
ခံမပြောတဲ့လူတွေကိုပဲ
သူတို့ယန္တယားလည်ပတ်နိုင်ဖို့အရေး
အခွင့်အရေးအနည်းငယ်ပေးကာလက်သပ်မွေးခဲ့တယ် --- ။
မကျေနပ်တာတွေကို
ရေးချရမယ်ဆိုရင်တော့
အချိန်အများကြီးယူကာ
စာမျက်နှာတွေအများကြီးမရေးချချင်လို့
လိုရင်အချက်ကိုပဲရေးရမယ်ဆိုရင်
စစ်အစိုးရလုပ်ရပ်တွေဟာ
သူ့လူတစုသာအဓိကကောင်းစားရေးတွေဖြစ်နေလို့
စိတ်ကောင်းမွေးပြီးတွေးတာတောင်
ယုံကြည်မရဖြစ်နေတယ် --- ။
အမှောင်ထဲမှာတသက်လုံးမနေနုင်ရင်တော့
အတိတ်ဆိုတာတွေက
အရိပ်လိုလိုက်လာနေတတ်လို့
မင်းတို့ရဲ့အရိပ်မှန်ဟာ
အလင်းနဲ့တွေ့ရင်ပေါ်မှာပဲ --- ။
ကိုယ့်ပြည်တွင်းကလုပ်ရပ်၊ဖြစ်ရပ်တွေကိုတောင်
လက်တစုပ်စာလူတစု ( အာဏာရှင်ခေါင်းဆောင်ပိုင်းအုပ်စု )
နောက်လိုက်တချို့မှအပ
တခြားနိုင်ငံသားအများစုနဲ့
တကမ္ဘာလုံးကမယုံကြည်ပဲ
သံသယတွေများစွာဖြစ်နေတာကိုတောင်
မျက်နှာပြောင်တိုက်ကာ
ဆင်သေကိုဆိတ်သားရည်နဲ့ဖုံးတဲ့နည်းနဲ့
နှစ်ထောင့်တဆယ်ရွေးကောက်ပွဲကို
ဇွတ်အတင်းပြုလုပ်ပါလို့
ဥာဏ်နီဥာဏ်နက်
ဥာဏ်တွေကိုအရောင်အမျိုးမျိုးဆိုးကာ
ကိုယ့်ပြည်ကို ကိုယ်ပြန်ညှင်းပြီးတဲ့နောက်
ကမ္ဘာကြီးကိုပါဆက်လှည့်စားလိမ့်အုံးမယ် --- ။
ဇာနည်မောင်
