Tuesday, September 21, 2010

“ ဘ၀ရဲ့ပုစ္ဆာ ”

စိတ်ထဲရှိတာတွေနဲ့
အပြင်ဖက်ကလက်တွေ့ဘ၀တွေကကွာခြား
တခါတလေမှာ
လိုချင်တာတွေကိုရယူဖို့
တရစ်ပြီးတရစ်နဲ့
အခက်အခဲတွေကို
ဝါးမျိုခဲ့ရတာတွေလည်းရှိခဲ့သား --- ။
ကိုယ်ယုံကြည်ထားရာတွေအားလုံးဟာ အပြစ်ကင်းတဲ့
အမှန်တရားတွေချည်းမဟုတ်ခဲ့ပေမယ့်
ချော်လဲရောထိုင်အရှက်ပြေလုပ်ကာ
သိရက်နဲ့ဆက်မိုက်နေသူတယောက်တော့မဟုတ်ခဲ့ --- ။
သားလိမ္မာတွေရဲ့လမ်းဟာ
မဖြောင့်ဖြူးတာများခဲ့ပေမယ့်
စိုင်ကော်လို့ခြုံပေါ်ရောက်ခဲ့တဲ့
သာဓကမျိုးတွေလည်းရှိခဲ့ဘူးတယ် --- ။
ပြဿနာအခက်အခဲတွေကိုမလိုချင်ပေမယ့်
ရုန်းရင်း၊တိုက်ရင်း၊ဆွေးနွေးရင်းနဲ့အဖြေရှာမှ
ဘ၀ပုစ္ဆာတခုရဲ့
အဖြေမှန်ကိုရမယ်ပါ့ --- ။
လွတ်လပ်စွာအစာရှာဖို့အတွက်
အသိုက်အမြုံကနေထွက်ခွါ
အဲ့ဒီအချိန်မှာ ခဲမှန်ခဲ့တဲ့ငှက်
အသိုက်ဆီပြန်ဖို့အင်အားမရှိတော့တဲ့အခါ
နီးစပ်ရာအကောင်းဆုံးနေရာမှာပဲ
လုံခြုံစွာမှေးစက်ဖို့ အိပ်တန်းဝင်ရမယ် --- ။

            ဇာနည်မောင်





No comments:

Post a Comment