Wednesday, September 8, 2010

“ ရပိုင်ခွင့်များ ”

သာမန်လူသားတယောက်ရဲ့ဘ၀ -----
အဆင်မပြောတာတချို့ရှိခဲ့လို့
တခါတလေမှာ
အခက်အခဲတချို့ကိုဝါးမျိုခဲ့ရ
နောင်လည်းကြုံရအုံးမယ်ပါ့ --- ။
လှုပ်ရှားမှုတွေရှိလို့ -----
ပြောင်းလဲမှုတွေလည်း
အမြဲရှိနေတယ်
မတည်မြဲတဲ့အရာတွေအတွက်
ဘယ်အရာကိုမှ
သေကောင်ပေါင်းလည်း
တမ်းတမက်မောမှုမျိုးတွေမရှိခဲ့ပေမယ့်
အမိမြေကိုတော့လွမ်းတယ် --- ။
စား၊၀တ်၊နေမှု အဲ့ဒီသုံးခု -----
ပြီးပြည့်စုံရုံနဲ့မရောင့်ရဲနိုင်တဲ့
အတ္တများနဲ့လူသားတွေရဲ့ဘ၀
လိုချင်တာတွေကိုရယူဖို့
အခက်အခဲတချို့ကိုထပ်ကာ ၀ါးမျိုရအုံးမယ်ပါ့ --- ။
ရောမရဲ့ကျွန်စနစ်ကို -----
စပါတာကတ်ဦးဆောင်ပြီးတော်လှန်ခဲ့တယ်
မြန်မာ့ပဒေသရာဇ်စနစ်ကတော့
နယ်ချဲ့အင်္ဂလိပ်ရဲ့လက်ထဲ
သီပေါမင်းပါတော်မှုကာ
ပျက်သုဉ်းခဲ့ရတယ်
ကျုပ်စကားလုံးတချို့ဟောင်းပေမယ့်
အားမာန်တွေအပြည့်နဲ့
မကြောက်တရားတချို့ပါတယ် --- ။
မြန်မာပြည်ကိုဖျက်နေတဲ့ -----
စစ်ဘီလူးတွေရဲ့လက်အောက်မှာတော့
ခိုင်းတာလုပ်၊ခံမပြောနဲ့ပဲ
သမိုင်းဦးဘုံမြေခေတ်မှ
ယနေ့ခေတ်အချိန်အခါအထိ
သက္ကရာဇ်တွေက တဖြေးဖြေးတိုက်စား
အပြောအဆိုအနေအထိုင်နဲ့
လူနေမှုစနစ်တွေပါ
ခေတ်အလိုက်စနစ်အလိုက်ပြောင်းလဲလာခဲ့
လက်ရှိကျနော်တို့ခေတ်မှာတော့
ကိုယ့်အခွင့်အရေးကိုယ့်ရပိုင်ခွင့်တွေကို
ဖြစ်နိုင်တဲ့နည်းလမ်းတွေရှာကြံကာ
ရဲရဲတောင်းဆိုရဲဖို့ပဲ --- ။

                ဇာနည်မောင်



No comments:

Post a Comment