တနယ်တကျေးရောက်ကာ
ဝေးနေပေမယ့်လည်း
ဒီအချိန်ဒီလကိုရောက်တိုင်း
နှစ်စဉ်အမြဲသတိရနေတယ့့့်  ။
တချိန်တုန်းကဆို
ဒီအချိန်ကိုရောက်တိုင်း
ရွှဲစိုအောင်ရေတွေလောင်းပက်ပါလို့
အပေါင်းအဖေါ်များနဲ့
အပျော်ကြီးပျော်ခဲ့ အဲ့ဒီသင်္ကြန်ရက့့့်  ။
ရေမြေခြားသင်္ကြန်ပွဲမှာတော့
အမိမြေမှာလိုမပျော်လည်း
ကပိုကရိုရွှဲစိုပြီး
အပြုံးမပျက်အလှမပျက်အောင်ပဲ
ရသေ့စိတ်ဖြေနည်းနဲ့ဆင်နွဲ
အဲ့ဒီနှစ်သစ်ကူးတဲ့ သင်္ကြန်ပွဲ့့့  ။
တချိန်တုန်းကဆိုရင်ပေါ့
အမေမွေးတဲ့အညာမြေမှာ
ကွမ်းတောင်ကိုင်ဆယ်ကျော်သက်ကိုလည်း
ဦးဦးဖျားဖျားရေလောင်းခဲ့ဖူးတယ်
တိုက်ဆိုင်မှုတွေရှိနေတိုင်း
ရေမြေခြားနေပေမယ့်
အမိမြေကိုလွမ်းစိတ်ကပိုကဲ့့့  ။
ဒီအချိန်ကိုရောက်ရင်တော့
ရေဖလားလေးနဲ့ရေပက်တာကိုလည်း
ထာဝစဉ်အမြဲ လွမ်းရစမြဲ
တနှစ်မှာတခါသာပွင့်တဲ့
သင်းပျံတဲ့ပိတောက်တွေကိုလည်းလွမ်းရမြဲ့့့  ။
ဇာနည်မောင်
No comments:
Post a Comment